ای ٹی وی بھارت کے ساتھ بات کرتے ہوئے مقامی لوگوں نے کہا کہ 'یہ بڑشاہ نہر ہزاروں سال پرانی ہے اور ایک زمانے میں اس نہر کا پانی پینے کے لیے استعمال کیا جاتا تھا لیکن سرکار اور محکمہ فلڈ اریگیشن نے اس کی طرف کوئی بھی دھیان نہیں دیا جس کی وجہ سے موجودہ وقت میں یہ نیر تباہی کے دہانے پر پہنچی ہے۔
لوگوں کا کہنا ہے کہ 'محکمہ فلڈ اریگیشن نے اس نیر کی صاف صفائی کبھی نہیں کی اور نہ ہی کبھی ڈریجنگ کی۔
مقامی لوگوں کا مزید کہنا ہے کہ 'جب بھی کبھی زیادہ بارش ہوتی ہے اور اگر کبھی اس سے سیلاب کی صورتحال بنتی ہے تو گاؤں میں کافی دشواری کا سامنا کرنا پڑتا ہے کیونکہ اس نہر میں کافی پانی جمع ہوتا ہے اور اگر محکمہ فلٹر اریگیشن نے اس نہر کی صاف صفائیی کی ہوتی تو گاؤں والوں کو مشکلات کا سامنا نہ کرنا پڑتا ۔'
انہوں نے کہا کہ ہم نے سرکار اور محکمہ فلڈ اریگیشن کے افسران سے کئی بار اپیل کی کہ اس نہر کی صاف صفائی کی جائے لیکن ہماری کسی نے نہیں سنی۔ ہم ایک بار پھر سرکار اور ضلع انتظامیہ سے گزارش کرتے ہیں کہ وہ اس نہر کی صاف صفائی کریں تاکہ اس نہر کو زوال پذیر ہونے سے بچایا جائے۔
اس ضمن میں جب ای ٹی وی بھارت کے نمائندے نے ایگزیکیٹو افسر فلڈ اریگیشن سے بات کرنے کی کوشش کہ تو ان کی دفتر میں غیر موجودگی ہونے کی وجہ سے ان سے رابطہ نہیں ہوپایا۔
