جموں و کشمیر کے ضلع بارہمولہ میں ڈی ڈی سی انتخابات کے لیے سیاسی سرگرمیاں کافی تیز ہوگئی ہیں، آج پیپلز الائنس کی طرف سے بارہمولہ حلقہ انتخاب کے لیے قرۃ العین نے سینیئر رہنماوں کے ہمراہ پرچہ نامزدگی کیا۔
پیشے سے وکیل قرۃالعین نے پرچہ نامزدگی کے بعد کہا کہ یہ انتخاب ترقیاتی کاموں کے ساتھ ساتھ پیپلز الائنس کے اہم مقاصد میں سے ایک مقصد جموں و کشمیر کی خصوصی حیثیت کو بحال کرانا ہے۔
انھوں نے مزید کہا کہ ایسا تاریخ میں پہلی مرتبہ ہوا ہے کہ جب کسی اسٹیٹ کو یونین ٹیریٹی میں تبدیل کیا گیا ہے، جو کی غیر قانونی ہے، اسی کے لیے پیپلز الائنس کام کررہا ہے اور آگے بھی کرتا رہے گا۔
نیشنل کانفرنس کے رہنما اور معروف سماجی کارکن ایڈوکیٹ نیلوفر مسعود نے کہا کہ لوگوں کو چاہیے کہ وہ پیپلز الائنس کے نمائندوں کے حق میں اپنا ووٹ دیں تاکہ جموں کشمیر کی تعمیر تراقی ہوسکے۔
