لاپتہ فوجی اہلکار کی لاش برآمد

ذرائع کے مطابق لاپتہ اہلکار نے اپنا ہتھیار اور ذاتی موبائل فون دریائے جہلم کے کنارے پر چھوڑا تھا۔

شمالی کشمیر میں ضلع بارہمولہ کے بونیار اوڑی میں پانچ روز قبل لاپتہ فوجی اہلکار کی لاش بدھ کو این ایچ پی سی ڈیم سے برآمد ہوئی۔

لاپتہ اہلکار نے اپنا ہتھیار اور ذاتی موبائل فون دریائے جہلم کے کنارے پر چھوڑا تھا۔

علامتی تصویر

ذرائع کا کہنا تھا کہ پانچ دن کی مسلسل تلاشی کے بعد آج مذکورہ اہلکار کی لاش بونیار ڈیم سے برآمد ہوئی ہے۔ ہلاک شدہ کی شناخت افسر سنگھ ولد سریندر سنگھ ساکن بجنور، اتر پردیش کے طور پرہوئی ہے۔ اس کا آئی ڈی نمبر 3312984 تھا اور وہ فوج میں جاٹ کی پانچویں بٹالین سے وابستہ تھا۔ مذکورہ اہلکار 2016 میں فوج میں بھرتی ہوا تھا۔