سوپور: شمالی کشمیر کے ضلع بارہمولہ کے زینگیر ہرد شہوہ علاقے میں حکومت کی جانب سے سڑک کے میکڈیمائزیشن کا کام شروع کیا گیا ہے۔ اس سلسلے میں بی ڈی سی چیئرپرسن فریدہ خان کے ساتھ ساتھ علاقے سے وابسطہ سرپنچ نے ہرد شہوہ علاقے کا دورہ کیا اور صورتحال کا جائزہ کیا۔Macadamization in Sopore
اس دوران مقامی لوگوں نے حکومت اور محکمہ آر اینڈ بی کا شکریہ ادا کرتے ہوئے کہا کہ سڑک کی خستہ حالی کی وجہ سے ہمیں کافی مشکلات کا سامنا کرنا پڑ رہا تھا لیکن اب سڑک پختہ ہونے سے ان کے مسائل کافی حد تک دور ہو گئے ہیں۔ میڈیا کے ساتھ بات کرتے ہوئے بی ڈی سی چیئرپرسن سوپور فریدہ خان نے بتایا کہ آج ہم نے اس علاقے کا دورہ کیا اور ترقیاتی کاموں کا جائزہ لیا اور مستقبل میں اس دور دراز علاقے میں کافی اور کام ہوں گے۔
انہوں نے کہا کہ اس ہرد شہوہ علاقے کو وقت کے حکمرانوں نے نظر انداز کیا ہے اور جو بھی حکومت اقتدار میں تھی انہوں نے لوگوں کو دھوکہ دیا ہے لیکن اب بی جے پی حکومت لوگوں کے مشکلات دور کر رہی ہے۔ مقامی لوگوں نے کہا کہ اس ہرد شہوہ علاقے میں کم سے کم 70 سالوں کے بعد کوئی ترقیاتی کام ہوا ہے اور ہم موجودہ حکومت کا شکریہ ادا کرنا چاہتے ہے کہ انہوں نے ہم غریب لوگوں کے مسائل حل کئے۔
یہ بھی پڑھیں: Macadamization in Sopore : سوپور میں روڈ میکڈیمائزیشن کا کام شروع
