Dilapidated Road in Sopore سوپور میں بنیادی سہولیات کا فقدان

بارہمولہ کے سوپور ہتھلنگو علاقے میں سڑک کی خستہ حالی اور جگہ جگہ پانی جمع ہونے سے مقامی لوگوں کو کافی پریشانیوں کا سامنا کرنا پڑ رہا ہے۔ اس مسئلے پر مقامی لوگوں نے انتظامیہ سے مطالبہ کیا کہ وہ ان پریشانیوں کو دور کریں۔

سوپور: شمالی کشمیر کے ضلع بارہمولہ کے سوپور ہتھلنگو علاقے میں لوگوں کو بنیادی سہولیات نہ ہونے کہ وجہ سے کافی مشکلات کا سامنا کر رہے ہیں۔ لوگوں کے مطابق ہتھلنگو سوپور سے صرف دس کلومیٹر کی دوری پر واقع ہے اور گزشتہ کئی برس سے لوگوں کو بنیادی سہولیات سے محروم رکھا گیا ہے۔ لوگوں نے بتایا کہ ان کے علاقے میں بنیادی سہولیات کا کافی فقدان ہے اور ان کو طرح طرح کے مشکلات سے دو چار ہونا پڑتا ہے۔ انہوں نے بتایا کہ گاؤں میں سڑکوں کو حالت کافی خستہ ہے اور انہوں نے اپنی لاگت پر سڑک کو بنایا ہے۔ انہوں نے کہا کہ ہم نے متعلقہ محکمہ سے کافی بار گزارش کی کہ علاقے میں پختہ سڑک بنائی جائے لیکن بدقسمتی سے کوئی بھی بات نہیں سنی گئی۔