سڑک کی خستہ حالی سے عوام پریشان

شمالی ضلع بارہمولہ کے سوپور قصبہ کے جانوارہ نمبل گاؤں میں سڑک کی خستہ حالی سے عوام کو کافی پریشانیوں کا سامنا کرنا پڑ رہا ہے۔

ای ٹی وی بھارت کے ساتھ بات کرتے ہوئے مقامی لوگوں نے بتایا کہ سڑک کی خستہ خالی سے انہیں کافی دقتوں کا سامنا کرنا پڑتا ہے۔
لوگوں کا کہنا ہے کہ وہ گزشتہ سات برس سے لگاتار حکام کے پاس اپنی فریاد لے کر جاتے رہے لیکن آج تک ہماری فریاد کسی نے نہیں سنی۔

لوگوں نے مزید کہا کہ 1982 میں فاروق عبداللہ نے اس گاؤں کا دورہ کیا تھا اور انہوں نے وعدہ کیا تھا کہ وہ اس گاؤں میں پختہ سڑک بنائیں گے لیکن وہ وعدہ پورا نہیں کیا گیا۔لوگوں نے ایل جی گورنر مموج سنہا سے مودبابہ گزارش کرتے ہوئے کہا کہ وہ اس سڑک پر جلد از جلد کام شروع کرے تاکہ لوگوں کو اور زیادہ مشکلات سے دو چار نہ ہونا پڑے۔اس ضمن میں ای ٹی وی بھارت کے نمائندے نے اسسٹنٹ ایکزیکٹیو انجینر آر اینڈ بی سوپور فیاض احمد سے فون پر بات کی تو انہوں نے کہا کہ فنڈس نہ ہونے کی وجہ سے اس سڑک کو تعمیر نہیں کیا گیا۔ انہوں نے جیسے ہی فنڈس واگزار ہو جائیں گے تو ہم جلدی کام شروع کرے گے۔