شمالی کشمیر کے ضلع بارہمولہ کے علاقے میں فائر بریگیڈ کا ڈرائیور اس وقت زخمی ہوگیا جب فائر بریگیڈ کی گاڑی بارہمولہ کے شاہ ہمدان کالونی اولڈ ٹاون کے ایک رہائشی مکان میں لگی آگ کو بجھانے کے لیے جارہی تھی کہ اچانک حادثے کا شکار ہوگئی۔
ذرائع کے مطابق ڈرائیور کی شناخت راجندر سنگھ کے طور پر ہوئی جو رفیع آباد سے تعلق رکھتا ہے اور یہ حادثہ سڑک پر پھسلن کی وجہ سے پیش آیا، بتایا جا رہا ہے کہ اس حادثہ کی وجہ سے نزدیکی ایک رہائشی مکان کو بھی نقصان ہوا ہے۔
فائر سروس کے ایک افسر کے مطابق شاہ ہمدان کالونی اولڈ ٹاون بارہمولہ میں آگ کی واردات پیش آئی تھی جس کی وجہ سے محکمہ نے تین فائر سروس کی گاڑیوں کو موقع واردات پر بھیجا تھا کہ اسی دوران ایک گاڑی پھسلن کی وجہ سے حادثہ کا شکار ہوگئی۔
