بارہمولہ: پولیس نے شمالی کشمیر کے ضلع بارہمولہ کے واگورہ علاقے میں ناکہ چیکنگ کے دوران ایک خاتون منشیات فروش کو گرفتار کرکے اس کی تحویل سے 250 گرام چرس جیسا مواد برآمد کرنے کا دعویٰ کیا ہے۔ Female Drug peddler arrested in Baramulla
ایک پولیس ترجمان نے کہا کہ معمول کی ناکہ چیکنگ کے دوران کریری پولیس نے ایک خاتون منشیات فروش کو گرفتار کرکے اس کی تحویل سے 250 گرام چرس جیسا مواد بر آمد کیا۔ انہوں نے گرفتار شدہ منشیات فروش کی شناخت بلقیس اختر زوجہ عبدالرحمان ملک ساکن کلنترہ پائین بارہمولہ کے طور پر کی ہے۔
مزید پڑھیں:
Drug Peddler Arrested in Budgam: بڈگام پولیس نے منشیات فروش کو گرفتار کیا
پولیس بیان میں کہا گیا ہے مذکور خاتون کے ہمراہ اس کا شوہر بھی تھا جو تاریکی کا فائدہ اٹھا کر فرار ہونے میں کامیاب ہوگیا۔ انہوں نے کہا تاہم اس کی تلاش بڑے پیمانے پر جاری ہے۔ ا س ضمن میں پولیس اسٹیشن کریری میں ایک کیس درج کرکے مزید تحقیقات شروع کی گئی ہیں۔
