مشفق رشتہ مجرمانے رشتے مین تبدیل

اس جدید ٹکنالوجی کے دور میں انسانیت اس حد تک گر سکتی ہے کسی نے سوچا بھی نہیں ہوگا جہاں ایک والد اپنی ایک جوان بیٹی کو اپنے ہی ہاتھوں سے موت کے گھاٹ اتاردے گا۔

ریاست جموں و کشمیر کے ضلع بارہ مولہ کے ایک گاؤں لیڈورہ میں ایک باپ نے مشفقانہ رشتے کو مجرمانہ رشتے میں تبدیل کرلیا اور اس نے اپنے ہاتھوں اپنی ہی جوان بیٹی کو موت کے گھاٹ اتار دیا۔

اپنی مجرمانہ حرکت کو چھپانے کے لیے مجرم باپ نے اسکی لاش کو جنگل میں پھینک دیا۔ پولیس کے ایک اعلیٰ افسر نے ہمیں بتایا کہ اس واقع کے بعد ملزم جاوید احمد خان نے اپنے آپ کو پولیس کے حوالے کردیا ہے اور اپنے جرم کا اعتراف بھی کرلیا ہے۔

تاہم پولیس نے اس ضمن میں دفعہ 302 کے تحت کیس درج کرکے کاروائی شروع کر دی ہے۔