شمالی کشمیر ضلع بارہمولہ کے چیف ایجوکیشن آفیسر بارہمولہ غلام محمد لون سبکدوش ہورہے ہیں۔ اس سلسلے میں مختلف ٹیچرس فورم، زونل فورم کے علاوہ ضلع بھر کے ٹیچرز نے چیف ایجوکیشن آفیسر بارہمولہ غلام محمد لون کو خراج تحسین پیش کیا۔ اسی سلسلے میں ٹیچرس فورم بارہمولہ نے بھی شاندار تقریب کا اہتمام کرکے اپنی فورم کی طرف سے غلام محمد لون کو خراج تحسین پیش کیا۔ Retirement Of Zonal Education Planning Officer Tral
اس موقع پر انہوں نے کہا کہ جس طرح سے چیف ایجوکیشن آفیسر نے ضلع بارہمولہ میں گزشتہ چار سالوں میں محکمہ تعلیم میں نئی روح پھونکی۔ اس سے پورے ضلع کے ٹیچرز سمیت طلبا بھی خوش ہیں۔ انہوں نے بتایا کہ اگر ہم 2019 کی بات کریں، جب پوری دنیا میں کورونا وائرس کا قہر تھا، غلام محمد لون نے بالکل یہ محسوس نہیں ہونے دیا کہ کورونا وائرس سے زیر تعلیم بچے متاثر ہوں گے۔ انہوں نے ہر ایک اسکول ہر ایک گاؤں میں جاکر زیر تعلیم بچوں کے لئے ایک ایسا نظام قائم کیا، جس سے ان کی تعلیم میں اس وبا کا کوئی اثر نہیں ہوا۔
