شمالی کشمیر کے ضلع بارہمولہ میں ضلع ترقیاتی کونسل کے چیئرپرسن اور نائب چیئرپرسن کے لیے 8 فروری کے روز انتخابات منعقد ہوں گے۔
ضلع ترقیاتی کمشنر بارہمولہ کی جانب سے بدھ کے روز ایک نوٹفکیشن جاری کیا ہے۔ اس نوٹفکیشن کے مطابق ضلع میں نئے ڈی ڈی سی چیئرپرسن اور نائب چیئرپرسن کے لیے 8 فروری کو انتخابات منعقد کیے جائیں گے۔
تفصیلات کے مطابق ڈی سی بارہمولہ نے حال ہی میں منتخب ہوئے ڈی ڈی سی ممبران کے لیے ایک نوٹس میٹنگ جاری کیا جس میں کہا گیا ہے کہ ضلع میں ڈی ڈی سی چیئرپرسن اور نائب چیئرپرسن کے لیے 8 فروری کو انتخابات منعقد کیے جائیں گے۔
بتا دیں کہ جموں و کشمیر میں پہلی بار ضلع ترقیاتی کونسل کے انتخابات منعقد کرائے گئے۔ گزشتہ برس نومبر 28 سے 8 مرحلوں میں یہ انتخابات منعقد ہوئے تھے۔ دسمبر 22 کو نتائج کا اعلان کیا گیا جس میں پی اے جی ڈی نے 110 اور بی جے پی نے 75 سیٹوں پر کامیابی حاصل کی۔ ضلع بارہمولہ میں پیپلز کانفرنس نے تین سیٹیوں پر جیت درج کی جبکہ پی ڈی پی، کانگریس، اور جموں کشمیر اپنی پارٹی نے بالترتیب دو دو سیٹوں پر کامیابی حاصل کی ہے۔ اس کے علاوہ مظفر بیگ کی اہلیہ سفینہ بیگ اور عرفان حافظ لون سمیت تین آزاد امیدوار نے بھی جیت درج کی۔
