ای ٹی وی بھارت کے ساتھ بات چیت کرتے ہوئے مقامی لوگوں نے بتایا کہ گذشتہ کئی مہینوں سے ان کے مال مویشیوں کو بیماری لاحق ہے جس کے نتیجے میں اب تک درجنوں مویشی ہلاک ہوگئے ہیں جس کی وجہ سے انہیں کافی نقصان ہوا ہے'۔
انہوں نے کہا کہ' اس سلسلے میں انہوں نے محکمہ اینمل ہسبنڈری کے ملازمین کو اطلاع دے دی ہے کہ ہمارے بھیڑوں کو بیماری لاحق ہے لیکن انہوں نے اس جانب کوئی توجہ نہیں دی ہے'۔
انہوں نے مزید کہا کہ محکمہ کے ملازمین نے اس ضمن میں کوئی پیش رفت نہیں دکھائی ہے اور کبھی بھی ہمارے بھیڑون کو ویکسین نہیں دی'۔
لوگوں نے کہا کہ ہم لوگ بہت زیادہ غریب ہیں اور ہماری روزی روٹی کا انحصار ان ہی مویشیوں پر ہوتا ہے اور اگر محکمہ کی جانب سے بے توجہ کا شکار چل تا رہا تو ہمیں معاشی مشکلات سے دو چار ہونا پڑے گا اور ہم فاقہ کشی کرنے پر مجبور ہوجائیں گے'۔
ہم حکام سے اپیل کرتے ہیں ہماری طرف اور ہمارے مال مویشیوں کی طرف دھیان دی جائے کر ہمارا روزگار بچا لیا جائے'۔
