شمالی کشمیر کے ضلع بارہمولہ کے اوڑی کا علاقہ بونیار مقامی طور پر سیاحت کے لئے کافی پسند کیا جاتا ہے۔ یہاں کی خوبصورتی سیاحوں کو اپنی جانب متوجہ کرتی ہے لیکن جموں و کشمیر انتظامیہ کی عدم توجہی کے باعث اس مقام کو وہ شہرت و مقبولیت حاصل نہیں ہو سکی جو جموں و کشمیر کے دیگر علاقوں کو ملی ہے۔
قدرتی حسن کا لطف لینے کے لئے لوگ بونیار پہنچتے ہیں لیکن یہاں پانی، صفائی، بیت الخلا سمیت دیگر سہولیات نہ ہونے سے لوگوں کو پریشانی اٹھانی پڑتی ہے۔
جموں و کشمیر میں سیاحت کو فروغ دینے کے لئے مرکزی حکومت اور جموں و کشمیر انتظامیہ نے کئی منصوبہ تیار کیا ہے لیکن بونیار کو آج بھی ان منصوبوں سے الگ رکھا گیا ہے۔
یہاں پہنچے لوگوں کا کہنا ہے کہ اگر یہاں پر صفائی کا صحیح انتظام ہوگا تو لوگ بھی زیادہ آئیں گے، اور حکومت اس مقام کو سیاحتی مقام کے طور پر ترقی دے سکتی ہے۔ ایسے میں یہاں روزگار بھی پیدا ہوگا اور مقامی لوگوں کا ایک بڑا مسئلہ حل ہوگا۔
سڑک کی فرینسنگ نہ ہونے سے اکثر حادثات رونما ہوتے ہیں۔ اس لئے مقامی لوگوں کا مطالبہ ہے کہ یہاں فرینسنگ کے کام کو کیا جانا چاہئے۔ مقامی لوگوں کا کہنا ہے کہ ہر سال کچھ لوگ حادثے کا شکار ہوتے ہیں، جس پر حکومت کو توجہ دینا چاہئے۔
