بارہمولا: فوج کی جانب سے مفت میڈیکل کیمپ

بارہمولہ کے چھجہامہ رفیع آباد میں منعقد ہوئے میڈیکل کیمپ میں مریضوں کی جانچ کے لیے ماہر امراض، پیڈیاٹرک اور دانتوں کے ڈاکٹر موجود تھے۔

ضلع بارہمولہ کے چھجہامہ رفیع آباد میں سنٹرل ریزرو پولیس فورس (سی آر پی ایف) کے 92 بن نے آج سیوک ایکشن پروگرام کے تحت ایک مفت طبی کیمپ کا انعقاد کیا۔ اس میڈیکل کیمپ میں، چھ سی آر پی ایف اور سیول ڈاکٹروں کی ایک ٹیم نے 210 مرد اور 126 خواتین اور66 بچوں سمیت 400 مریضوں کا علاج اور مفت ادویات فراہم کی گئی۔

میڈیکل کیمپ کے دوران مریضوں کے لئے ماہر امراض، پیڈیاٹرک اور دانتوں کے ڈاکٹر دستیاب تھے۔ سی آر پی ایف کے ایک عہدیدار نے بتایا کہ میڈیکل کیمپ کے انعقاد کا مقصد غریب، نادار اور ضرورت مند افراد کو معیاری طبی نگہداشت اور مفت ادویات کی فراہمی کرنا ہے۔

انہوں نے کہا کہ مستقبل میں ایسے مفت طبی کیمپوں کا انعقاد کیا جائے گا تاکہ ضرورت مند لوگوں کو طبی امداد فراہم کیا جا سکے۔ دریں اثنا، میڈیکل کیمپ میں آئے لوگوں نے سی آر پی ایف کا شکریہ ادا کیا اور اس طرح کا مفت میڈیکل کیمپس کا انعقاد کرنا وقت کی اہم ضروت ہے۔