سوپور: سی آر پی ایف نے طبی کیمپ کا اہتمام کیا

ضلع بارہمولہ کے سوپور قصبہ میں سی آر پی ایف کی جانب سے طبی کیمپ کے دوران مریضوں کا معائنہ کرنے کے علاوہ ادویات بھی مفت تقسیم کی گئیں۔

شمالی کشمیر کے سوپور قصبہ میں واقع ایشیا کی سب سے بڑی فروٹ منڈی میں سی آر پی ایف کی 179 بٹالین نے مفت طبی کیمپ کا اہتمام کیا۔

طبی کیمپ میں مقامی باشندوں کے علاوہ غیر مقامی مزدوروں اور ڈرائیوروں نے بھی شرکت کی۔ طبی کیمپ کے دوران ڈاکٹروں نے قریب 300 افراد کا معائنہ کر کے مفت اودیات بھی تقسیم کیں۔

فروٹ منڈی کے ذمے داروں نے سی آر پی ایف کی جانب سے طبی کیمپ کے اہتمام پر ان کی ستائش کرتے ہوئے مستقبل میں اس طرح کے مزید کیمپس کے انعقاد کی امید جتائی۔

وہیں سی آر پی ایف افسران نے بتایا کہ رواں برس 179 بٹالین کی جانب سے سوپور میں یہ تیسرا طبی کیمپ ہے۔

انہوں نے کہا کہ عوام کی جانب سے سپورٹ فراہم کیے جانے کے بعد وہ عنقریب ہی علاقے کے دور دراز علاقوں میں بھی اس طرح کے کیمپس کا انعقاد عمل میں لائیں گے۔