آزاد گنج بارہمولہ میں فائرنگ، ایک نوجوان زخمی

بارہمولہ میں مقامی نوجوان پر دن دھاڑے گولیاں چلائی گئی جس کے نتیجے میں وہ زخمی ہوا ہے اور زخمی حالت میں اس کو جی ایم سی ہسپتال منتقل کیا گیا۔

شمالی کشمیر ضلع بارہمولہ کے آزاد گنج بارہمولہ میں اس وقت اچانک افراتفری پھیل گئی جب مارکٹ میں اچانک گولیوں کی آواز سنی گئی اور اسی کے بیچ آنا فانا لوگ محفوظ مقامات کی طرف بھاگنے لگے اور دوکانوں کو چھوڑ کر چلے گئے۔

اطلاعات کے مطابق ایک مقامی نوجوان محسن سہیل, اقبال کالونی کے اوپر دن دھاڑے گولیاں چلائی گئی ہے جس کے نتیجے میں وہ زخمی ہوا ہے اور زخمی حالت میں اس کو جی ایم سی ہسپتال منتقل کیا گیا جہاں پر اس کا علاج و معالجہ جاری ہے۔

آخری اطلاعات ملنے تک علاقہ میں حالات کشیدہ تھے۔