لائن آف کنٹرول: رام پور سیکٹر میں شدید گولہ باری

شدید فائرنگ کی وجہ سے پورے علاقہ میں دہشت کا ماحول ہے اور لوگ محفوظ مقامات کا رخ کر رہے ہیں۔

شمالی کشمیر کے ضلع بارہمولہ کے سرحدی علاقہ رام پور میں لائن آف کنٹرول پر پاکستان کی جانب سے مبینہ طور پر سیز فائر معاہدے کی خلاف ورزی کی گئی جس کے دوران انہوں نے چھوٹے اور درمیانہ درجہ کے ہتھیاروں کا استعمال کیا۔

ادھر سرکاری ذرائع کے مطابق بھارت فوج کی جانب سے بھی پاکستانی فائرنگ کا مناسب جواب دیا جا رہا ہے۔

شدید فائرنگ کی وجہ سے پورے علاقہ میں دہشت کا ماحول ہے اور لوگ محفوظ مقامات کا رخ کر رہے ہیں۔

ذرائع کے مطابق فائرنگ سے ابھی تک کسی جانی یا مالی نقصان کی کوئی اطلاع نہیں ہے۔

آخری اطلاع ملنے تک رام پور سیکٹر میں دونوں اطراف سے گولہ باری کا سلسلہ جاری تھا۔