شمالی کشمیر کے ضلع بارہمولہ کے سوپور قصبہ کے بوٹینگو - چتکاک کے گاؤں کے لوگوں نے حکومت اور محکمہ آر اینڈ بی کے خلاف ناراضگی کا اظہار کیا کیونکہ ان کے گاؤں میں سڑک کافی خستہ حال ہے۔
اس موقعے پر ای ٹی وی بھارت کے ساتھ بات کرتے ہوئے مقامی لوگوں نے سرکار اور محکمہ آر اینڈ بی پر الزام لگایا کہ پچھلے تیس سال پہلے اس سڑک پر میگڈم ڈالا گیا تھا اور سڑک کی مرمت کی گئی تھی اور تب سے لے کر آج تک اس سڑک پر دوبارہ سے کام شروع نہیں کیا گیا۔
سڑک کی خستہ حالی کی وجہ سے عام لوگوں کو کافی مشکلات کا سامنا کرنا پڑتا ہے کیونکہ اگر معمولی سی بارش ہوتی ہے تو سڑک پر چلنا مشکل ہوتا ہے۔
یہ بھی پڑھیں۔۔۔
کولگام: فوجی اہلکار کی گاڑی نذر آتش
مقامی لوگوں نے بتایا کہ 'یہ سڑک تین اضلاع کو جوڑتی ہے جس میں بارہمولہ، بانڈی پورہ، اور کپواڑہ آتا ہے لیکن سڑک کافی خستہ حالی کا شکار ہے۔
انہوں نے مزید کہا کہ سڑک پر جگہ جگہ گڑھے ہونے کی وجہ سے ان کی گاڑیوں میں پنکچر ہوتے رہتے ہیں اور سوپور پہنچنے میں دو گھنٹے لگتے ہیں جب کہ صرف بیس منٹ کا سفر ہے۔
مقامی لوگوں نے کہا کہ 'ہم حکومت بالخصوص گورنر انظامیہ اور محکمہ آر اینڈ بی سے ایک بار پھر التجا کرتے ہیں کہ وہ ہماری سڑک کو ٹھیک کرائیں۔
