بارہمولہ پولیس نے پیر کو ضلع کے بونیار علاقے سے عسکریت پسند تنظیم لشکر طیبہ سے وابستہ دو معاونین کو گرفتار کر کے ان کی تحویل سے دو چینی گرینیڈ بر آمد کرنے کا دعویٰ کیا ہے۔
پولیس ذرائع سے معلوم ہوا ہے کہ دونوں افراد پولیس کو عرصہ دراز سے مطلوب تھے اور انہوں نے مختلف عسکری کارروائیوں کو انجام دیا ہے۔
گرفتار کیے گئے افراد کی شناخت لیاقت احمد ککرو ولد شوکت احمد ساکن نامبلہ اوری اور اختر احمد میر ولد حفیظ اللہ میر ساکن برنیٹ بونیار کے طور پر ہوئی ہے۔
پولیس نے اس سلسلے میں کیس درج کر کے مزید تحقیقات شروع کر دی ہے۔
