شمالی کشمیر کے ضلع بارہمولہ میں پیر کے روز مشتبہ عسکریت پسندوں کی جانب سے کئے گئے ایک گرینیڈ حملے میں کم از کم چھ عام شہری زخمی ہوگئے ہیں۔
اس حملے کے بعد بھارتی فوج نے سی سی ٹی وی فوٹیج جاری کرتے ہوئے کہا کہ 'عسکریت پسندوں نے فوجی قافلے پر گریئنڈ داغا، تاہم گرینڈ کانوائی کی آخری گاڑی گزرنے کے بعد پھٹ گیا، جس کے نتیجے میں 6 عام شہری زخمی ہو گئے۔ زخمیوں کو فوری طور ہسپتال منتقل کیا گیا۔
بارہمولہ حملے کی سی سی ٹی وی فوٹیج
فوج نے بتایا کہ حملے کے فوراً بعد علاقے کو محاصرے میں لیا اور تلاشی کاروائی شروع کردی گئی ہے۔ ادھر ذرائع نے بتایا کہ زخمیوں میں دو کی حالت نازک ہے ۔
