کشمیر میں بارہمولہ – بانہال ریل خدمات بدھ سے بحال ہوں گی

وادی کشمیر میں کورونا کرفیو کے پیش نظر سات ہفتوں کی معطلی کے بعد یکم جولائی سے ٹرین خدمات کو بحال کردیا گیا تھا۔

ریلوے حکام نے بدھ سے بارہمولہ – بانہال ریل خدمات بحال کرنے کا فیصلہ لیا ہے۔

سرکاری ذرائع نے بتایا کہ بدھ سے بارہمولہ – بانہال ریل خدمات کو بحال کیا جائے گا اور اس کے علاوہ بارہمولہ سے 3 بجکر دس منٹ پر ایک اضافی ریل گاڑی کو چلایا جائے گا۔

انہوں نے کہا کہ موجودہ ریل خدمت کو بانہال سے بارہمولہ تک بڑھایا دیا گیا ہے اور ٹرین صبح آٹھ بجے بارہمولہ سے روانہ ہوگی۔

ان کا کہنا تھا کہ اس کے علاوہ ایک اور ٹرین بارہمولہ سے تین بجکر دس منٹ پر روانہ ہوگی جو سوا چار بجے بڈگام پہنچے گی۔