شمالی کشمیر کے ضلع بارہمولہ کے تحصیل ہیڈ کوارٹر سوپور سے 12 کلو میٹر دور ہردوشیواہ نامی گاؤں کو ضلع انتظامیہ کی طرف سے الرٹ زون قرار دیا گیا ہے، جس سے علاقہ میں افرا تفری کا ماحول پھیل گیا ہے۔
ضلع انتظامیہ بارہمولہ اور انیمل ہسبنڈری بارہمولہ کی طرف سے ایک حکم نامہ جاری کرتے ہوئے لکھا ہے کہ ہردوشیواہ نامی گاؤں کو الرٹ زون قرار دیا گیا ہے کیونکہ کچھ ہفتے پہلے اوڑی اور ہردوشیواہ نامی گاؤں سے 'کوّے' اور باقی جانور مردہ حالت میں پائے گئے تھے، جن کو بعد میں جانچ کیلے بیھجا گیا تھا۔
بتایا جاتا ہے کہ ان مردہ پرندوں کی رپورٹ مثبت سامنے آئی ہے، جس کے چلتے ضلع انتظامیہ نے ہردوشیواہ نامی گاؤں کو الرٹ زون قرار دیا ہے۔ علاقے کو ریڈ زون قرار دیے جانے سے لوگوں میں تشویش کا ماحول ہے۔
یہ بھی پڑھیں: کشمیر : مہاجر پرندوں میں برڈ فلو کی تصدیق
اس حوالے سے انتظامیہ نے حکم نامے میں کہا کہ محکمہ انیمل ہسبنڈری کے ساتھ ساتھ وائلڈ لائف اور باقی اعلی افسران کو ہدایت دی ہے کہ علاقہ میں پورے طریقے سے نظر رکھی جائے اور لوگوں کو تلقین کی گئی ہے کہ جہاں پر بھی مردہ حالت میں کوئی بھی پرندہ یا کوئی جانور نظر آئے تو فوراً متعلقہ محکموں سے رابطہ کریں۔
