ڈی جی پی نے پولیس لائنس میں بھرتی کے عمل کی تیاریوں کا جائزہ لیا

اس موقع پر ڈی جی پی جموال نے میڈیا سے بات کرتے ہوئے بتایا کہ سرحد پر مسلسل پاکستان کی جانب سے جنگ بندی معاہدے کی خلاف ورزی سے یہاں کے لوگوں نے بہت مشکلات کا سامنا کیا ہے جبکہ مرکزی حکومت کی جانب سے یہاں کے نوجوانوں کو روزگار کے ساتھ ملک کی خدمت کا بھی موقع ملے گا۔

مرکزی حکومت کی جانب سے سرحدی علاقوں کے نوجوانوں کے لیے دو کمپنیاں بنانے کے اعلان کے بعد کل سے بھرتی کا سلسلہ شروع ہوگا۔

پولیس کے ڈی جی پی سکیورٹی جے ایس جموال نے بارہمولہ کا دورہ کرتے ہوئے انہوں نے بارہمولہ ڈسٹرکٹ پولیس لائنس میں بھرتی عمل کی تیاریوں کا جائزہ بھی لیا۔

اس موقع پر جموال نے میڈیا سے بات کرتے ہوئے بتایا کہ بھرتی میں شمالی کشمیر کے تینوں اضلاع کے نوجوانوں کو شامل کیا جائے گا جبکہ پہلی بار اس بھرتی میں جسمانی ٹیسٹ کے لیے ڈیجیٹل سسٹم کا استعمال بھی کیا جائے گیا۔

ایس ڈی جموال نے کہا کہ 'سرحدی علاقے کے لوگوں کو مرکزی حکومت کی جانب سے ایک تحفہ دیا گیا ہے، جس میں پولیس کی دو بٹالین بنائی جارہی ہے۔'

انہوں نے کہا کہ 'سرحد پر مسلسل پاکستان کی جانب سے جنگ بندی معاہدے کی خلاف ورزی سے یہاں کے لوگوں نے بہت مشکلات کا سامنا کیا ہے جبکہ مرکزی حکومت کی جانب سے یہاں کے نوجوانوں کو روزگار کے ساتھ ملک کی خدمت کا بھی موقع ملے گا۔'