سرینگر:سٹیٹ انوسٹی گیشن ایجنسی (ایس آئی اے) نے ہفتے کے روز کشمیر کے گاندربل، کپواڑہ، بانڈی پورہ اور بارہمولہ اضلاع میں جماعت اسلامی کی مزید 11 جائیدادوں کو ضبط کیا۔
ایس آئی اے نے اپنے ایک بیان میں تفصیلات فراہم کرتے ہوئے کہا کہ کشمیر کے چار اضلاع میں ہفتے کو جماعت اسلامی کی گیارہ جائیدادوں کو ضبط کیا گیا۔Jamaat Islami Properties Seized
بیان کے مطابق علاحدگی پسند سرگرمیوں کے لئے فنڈز کی دستیابی کو روکنے اور ملک دشمن عناصر اور ملک کی خود مختاری کے خلاف (ملی ٹنٹ) نیٹ ورکس کے ایکو سسٹم کو ختم کرنے کے لئے چار اضلاع میں کالعدم جماعت اسلامی جموں وکشمیر کے زیر قبضہ (گیارہ مزید جائیدادوں) کو متعلقہ ضلع مجسٹریٹوں نے غیر قانونی سرگرمیاں (روک تھام) ایکٹ 1967 کے سیکشن 8 اور مرکزی وزارت داخلہ کے نوٹیفکیشن نمبر 14017/7/2019، مورخہ 28فروری2019 کے ذریعے عطا کردہ اختیارات کا استعمال کرتے ہوئے نوٹیفائی کیا ہے۔
موصوف ترجمان نے بیان میں کہا کہ ان احاطوں اور ڈھانچوں کے استعمال اور ان میں داخل ہونے پر پابندی لگا دی گئی ہے علاوہ ازیں اس کے متعلق متعلقہ ریونیو ریکارڈس میں ’ریڈ انٹری‘ لگا دی گئی ہے۔
انہوں نے کہا کہ ضبطی کارروائیوں کے دوران یہ دیکھا گیا کہ کپوارہ اور کنگن قصبوں میں جماعت اسلامی کی جائیدادوں میں قریب دو درجن تجارتی ادارے کرایہ پر چل رہے تھے۔
قابل ذکر ہے کہ جن جائیداد کو گاندربل میں ضبط کیا گیا ہے ان میں صفاپورہ اور کنگن کے علاوہ کئ اور جگہیں شامل ہیں، جہاں جماعت اسلامی کے زیر کنٹرول زمینوں کو ضبط کیا گیا ہے۔ ان زمینوں میں گاڈورہ گاندربل میں پانچ کنال پندرہ مرلہ زمین بھی ضبط کرکے سرکار نے اپنی تحویل میں لے لی ہے۔
وہیں ضلع بانڈی پورہ کی ناز کالونی سیکٹر A میں آج ایس آئی اے نے جماعت اسلامی کی زمین کو سیز کیا۔ تقریباً تیرہ مرلہ کی یہ زمین بانڈی پورہ کی ناز کالونی کے سیکٹر A میں موجود ہے۔ جسے جماعت اسلامی نے آج سے تقریباً دس سال قبل خریدا تھا۔ ایس آئی اے نے اس پر ایک بورڈ لگا کر اس کی خرید و فروخت یا اس پر کوئی بھی کام کرنے پر روک لگادی ہے۔ SIA Seized Jamaat e Islami Land in Bandipora
یہ بھی پڑھیں:
