سرپنچوں و بلاک ڈیولپمنٹ چیئرمین کا انتظامیہ کے خلاف احتجاج

احتجاج میں شامل سرپنچ یہ مطالبہ کررہے تھے کہ جو ای ٹینڈرنگ کے احکامات حال ہی میں جاری کئے گئے اس سے پنچایت حلقوں میں کام کررہے پنچوں، سرپنچوں کو نقصان سے دوچار ہونا پڑے گا-

شمالی کشمیر کے ضلع بانڈی پورہ کے سمبل سوناواری میں سرپنچ اور بلاک ڈیولپمنٹ کونسل چیئرمین حضرات نے ضلع انتظامیہ کے خلاف ایک احتجاج کیا-
سمبل سب ضلع انتظامیہ کی جانب سے بلاک دیوس (یوم بلاک) منایا جارہا تھا تاہم سرپنچ اور بی ڈی سی چیئرمین باہر دھرنے پہ بیٹھے تھے- انہوں نے ضلع انتظامیہ کے خلاف احتجاج کرتے ہوئے متنبہ کیا کہ وہ آنے والے تیسرے بیک ٹو ولیج پروگرام میں حصہ نہیں لینگے-

احتجاج میں شامل سرپنچ یہ مطالبہ کررہے تھے کہ جو ای ٹینڈرنگ کے احکامات حال ہی میں جاری کئے گئے اس سے پنچایت حلقوں میں کام کررہے پنچوں، سرپنچوں کو نقصان سے دوچار ہونا پڑے گا- انہوں نے احتجاج کے دوران نعرے بازی کی اور حکومت سے مطالبہ کیا کہ وہ ای ٹینڈرنگ کے سسٹم کے احکامات کو واپس لیں۔خیال رہے اس مظاہرے میں شامل سرپنچوں نے سمبل میں منعقدہ بلاک دیوس کا بھی بائیکاٹ کیا۔ سرپنچوں نے متنبہ کیا کہ وہ آنے والے دنوں کے دوران بیک ٹو ولیج پروگرام کا بائیکاٹ کریں گے۔