PRI Members, Contractors Protest in Sumbal: سمبل میں پنچایت ممبران، ٹھیکہ داروں کا احتجاج

شمالی کشمیر کے سمبل علاقے میں پنچایت ممبران اور ٹھیکہ داروں نے بی ڈی او سمبل کے باہر احتجاجی مظاہرہ کرتے ہوئے فوری طور تعمیراتی مواد اور ’’لیبر بجٹ‘‘ واگزار کرنے کا مطالبہ کیا۔ PRI Members, Contractors Protest in Sumbal Bandipora

بانڈی پورہ: رکھِ شلوت، سوناواری علاقے کے متعدد پنچایت ممبران اور ٹھیکہ داروں نے بلاک ڈیولپمنٹ آفس (بی ڈی او) سمبل کے باہر احتجاجی مظاہرہ کیا۔ مظاہرین نے الزام عائد کرتے ہوئے کہا کہ ’’بی ڈی او کے اضافی چارج کی وجہ سے سمبل بلاک میں کاغذی کام کاج کافی متاثر ہو رہا ہے جو سمبل بلاک کے ساتھ صریح نا انصافی ہے۔‘‘ Protest Against BDO Sumbal

میڈیا سے بات کرتے ہوئے مظاہرین کا کہنا تھا کہ ان کے حلقے میں تعمیراتی مواد اور ’’لیبر بجٹ‘‘ کی ادائیگی دفتر میں زیر التوا ہے جسے عرصہ دراز سے واگزار نہیں کیا جا رہا ہے۔ احتجاجیوں نے مزید کہا کہ بی ڈی او سمبل اکثر و بیشتر ڈیوٹی پر حاضر نہیں ہوتے جس کے سبب ان کی بلیں واگزار نہیں ہو پا رہیں۔ ادھر، بلاک ڈیولپمنٹ آفیسر سمبل نے تمام الزامات کو بے بنیاد قرار دیا۔ انہوں نے کہا کہ محکمہ کی طرف سے تفویض کردہ چارج کے مطابق وہ ہمیشہ دفتر میں حاضر ہوتے ہیں۔