جنوبی کشمیر کے ضلع بانڈی پورہ میں انڈین سسٹم آف میڈیسنز (آئی ایس ایم) نے پیر کو 01 ستمبر سے 30 ستمبر تک منائی جا رہی پوشن ماہ مہم کے ایک حصے کے تحت ایک سیمینار کا انعقاد کیا۔
سیمینار کے دوران ماہرین نے بچوں کی غذائیت سے متعلق ’’متوازن غذا کی اہمیت‘‘ پر روشنی ڈالی۔
’’پوشن ماہ‘‘ مہم کی سرگرمیوں پر روشنی ڈالتے ہوئے مقررین نے کہا کہ ’’مہینے بھر چلنے والی مہم کے دوران کئی موضوعات پر توجہ دی جائے گی جس میں ’’بچوں کو ماں کا دودھ پلانا‘‘، ’’کامل خوراک‘‘، ’’خون کی کمی‘‘، ’’لڑکیوں کی تعلیم، غذا اور شادی کی صحیح عمر‘‘ اور ’’حفظان صحت کے اصول‘‘ سمیت کئی موضوعات پر عوام کو جانکاری فراہم کی جائے گی۔
سیمنار میں ایڈیشنل ڈپٹی کمشنر بانڈی پورہ، نوڈل آفیسر آئی ایس ایم، ڈسٹرکٹ سوشل ویلفیئر آفیسر بانڈی پورہ، ڈاکٹرز، آشا ورکرز، آئی سی ڈی ایس سپروائزر سمیت انتظامیہ کے کئی افسران بھی موجود تھے۔
