ضلع بانڈی پورہ اور ضلع گاندربل کو صفاپورہ کے مقام پر جوڑنے والی سڑک کی حالت انتہائی خراب ہو چکی ہے۔ اس کی وجہ سے مقامی لوگوں کے علاوہ ٹرانسپورٹرز کو بھی دشواریوں کا سامنا کرنا پڑ رہا ہے۔
کوہستان کالونی صفاپورہ کے پاس سڑک جگہ جگہ ٹوٹ گئی ہے۔ سڑک پر گہرے گڈھے ہو گئے ہیں۔ ان میں جمع پانی اور کیچڑ کی وجہ سے لوگوں کو اس پر سے چلنا پھرنا دشوار بنتا جا رہا ہے۔ اس کے علاوہ گاڑیوں کا اس روڑ پہ چلنا بھی مشکل ہوتا جا رہا ہے۔
مقامی لوگوں کا کہنا ہے کہ یہ سڑک کافی عرصے سے خراب ہو گئی ہے اور انتظامیہ کی نظروں سے اوجھل ہے۔ مقامی لوگوں کے مطابق پچھلی دفعہ اس سڑک کی مرمت میہاں کی ڈھنگ سے نہیں کی گئی جس کی وجہ سے یہ دوبارہ خستہ ہو گئی۔
انہوں نے مزید بتایا کہ انہوں پچھلے دو ماہ کے دوران کئی دفعہ انتظامیہ کو اس معاملے میں باخبر کیا اور اپنے مشکلات کا ذکر کیا تاہم ابھی تک اس سڑک کو ٹھیک نہیں کیا گیا۔ نتیجتاً لوگوں کو کافی دقتوں کا سامنا کرنا پڑ رہا ہے۔
یہ بھی پڑھیں: بانیاری گاؤں کے لوگوں کا پل تعمیر کرنے کا دیرینہ مطالبہ
مقامی لوگوں نے ضلع انتظامیہ سے ایک بار پھر مطالبہ کیا ہے کہ دو اضلاع کو ملانے والی اس اہم سڑک کی مرمت کی جائے اور پانی کی نکاسی کے لئے ڈرینیج کا مناسب انتظام کیا جائے تاکہ مستقبل میں انہیں ان مشکلات کا سامنا نہ کرنا پڑے۔
