شمالی کشمیر کے ضلع بانڈی پورہ کے گریز میں واقعہ زیڈ کُھسی نالہ پر زیر تعمیر پُل کو مقامی لوگوں اور ٹرانسپورٹروں نے جلد مکمل کرنے کا مطالبہ کیا ہے۔
مقامی لوگوں کا کہنا ہے 'دہی نالہ پر پُل کا تعمیراتی کام مکمل کرنے کے بعد مسافروں کو کافی راحت مل گئی ہے، تاہم اب حکام کو زیڈ کُھسی پل کے تعمیراتی کام میں سرعت لاکر رواں سال اس پُل کو مکمل کرنا چاہیے'۔
واضح رہے کہ دہی نالہ اور زیڈ کُھسی نالہ پر بنائے جارہے پلوں کے تعمیراتی کام لمبی تاخیر کا شکار ہو رہے ہیں، جس وجہ سے بانڈی پورہ گریز سڑک پر سفر کرنے والے مسافروں کے ساتھ ساتھ ڈرائیوروں کو بھی کافی نقصان اُٹھانا پڑ رہا ہے۔
یہ بھی پڑھیے
ایڈوکیٹ زاہد علی پی ایس اے کے تحت حراست میں
دیوسر میں پی ایچ سی کی نئی عمارت تکمیل کی منتظر
خیال رہے کہ گریز میں سڑک کا تعمراتی کام چند مہینوں میں مکمل کرنا پڑتا ہے کیونکہ علاقے میں شدید برف باری کی وجہ سے گریز سڑک کو چھ مہینوں کے لیے بند کر دیا جاتا ہے۔
مقامی لوگوں نے انتطامیہ سے کہا کہ پل کو جلد از جلد مکمل کیا جائے تاکہ ہماری پریشانیاں کم ہو سکیں۔
