دفاعی ذرائع کے مطابق سرھدی علاقہ گریز سیکٹر کے بکتور علاقے میں گزشتہ روز پاکستان نے جنگ بندی معاہدے کی خلاف ورزی کرتے ہوئے بھارتی چوکیوں پر بلا اشتعال گولہ باری کی، جس کے نتیجے میں ایک فوجی اہلکار زخمی ہو گیا تھا۔
انہوں نے بتایا کہ زخمی فوجی اہلکار کو فوری طور مقامی ہسپتال منتقل کیا گیا جہاں وہ زخموں کی تاب نہ لاکر دم توڑ بیٹھا۔ ہلاک شدہ فوجی اہلکار کی شناخت کانسٹبل چوگل گمپتے کے بطور ہوئی ہیں
دفاعی ذرائع نے بتایا کہ بھارتی فوج نے بھی پاکستانی شلنگ کا منہ توڈ جواب دیا۔ فائرنگ کی وجہ سے علاقے کے لوگوں میں خوف و ہراس کا ماحول ہے۔
مرکزی حکومت کی جانب سے 5 اگست کو جموں و کشمیر کو خصوصی حیثیت دینے والی آئینی شق 370 کا خاتمہ کر دیا تھا، جس کے بعد لائن آف کنٹرول پر بھی کشیدگی دن بدن بڑھتی جا رہی ہے۔
چند روز قبل راجیہ سبھا میں رُکن پارلیمان ہرناتھ سنگھ یادو کے سوال کا تحریری جواب دیتے ہوئے شری پڈ نائک نے کہا کہ گذشتہ تین ماہ کے دوران جموں و کشمیر میں لائن آف کنٹرول پر جنگ بندی کی خلاف ورزی کے 950 واقعات ہوئے ہیں۔
اس کشیدگی کے باعث بالائی علاقے اوڑی، پونچھ، راجوری، گریز میں رہائش پزیر افراد خوف و دہشت کے سائے میں زندگی گزار رہے ہیں۔
واضح رہے کہ سنہ 2003 میں دونوں ممالک کے درمیان لائن آف کنٹرول پر جنگ بندی کا معاہدہ ہوا تھا۔ اس کے بعد بھی دونوں ممالک ایک دوسرے پر معاہدے کی خلاف ورزیوں کے الزامات عائد کرتے رہے ہیں۔
