بانڈی پورہ:شمالی کشمیر کے ضع بانڈی پورہ کے پازل پورہ علاقہ میں اس وقت کہرام مچ گیا جب ایک کمسن لڑکا بجلی کرنٹ لگنے سے ہلاک ہوگیا۔ اگرچہ مقامی لوگوں نے بے حوشی کی حالت میں کمسن لڑکے کو نزدیکی ہسپتال پہنچایا، تاہم وہاں موجود ڈاکٹروں نے اسے مردہ قرار دے دیا۔ اس حوالے سے پولیس کے ایک اہلکار نے بتایا کہ بانڈی پورہ کے پازل پورہ علاقہ کے آٹھ سالہ لڑکے جس کی شناخت حارث فاروق کے بطور ہوئی ہے، اچانک گھر میں بجلی کرنٹ لگنے سے بے حوش ہوگا۔ اگرچہ گھر والوں نے کمسن کو نزدیکی ہسپتال منتقل کیا، تاہم وہاں پہچنے کے بعد ڈاکٹروں نے اسے مردہ قرار دے دیا۔قانونی اور طبی لوازمات پورے کرنے کے بعد لاش کو لواحقین کے سپرد کر دیا گیا۔ وہیں پولیس نے اس سلسلے میں کارروائی شروع کی ہے۔
مزید پڑھیں: Soldier Electrocuted To Death سانبہ میں فوجی اہلکار کرنٹ لگنے سے ہلاک
واضح رہے کہ وادی کشمیر میں بجلی کرنٹ لگنے سے ہونے والی ہلاکتوں میں کافی اضافہ درج کیا جا رہا ہے۔ ماہرین کے مطابق زیادہ تر اموات محکمہ بجلی کی غفلت شعاری کے نتیجے میں رونما ہوتے ہے اور اکثر و بیشتر بجلی ترسیلی لائنز یا ٹرانسفارمر کی مرمت کے دوران محکمہ میں یومیہ اجرت پر کام کر رہے عارضی ملازمین کی موت واقع ہو جاتی ہے، علاوہ ازیں رہائشی مکانات یا دکان پر غفلت شعاری کے سبب عام لوگوں کی بھی ہلاکتوں کے واقعات سامنے آتے رہتے ہیں۔
