ضلع ترقیاتی کمشنر اویس احمد نے انہیں بیک ٹو ولیج پروگرام کے پہلے اور دوسرے مرحلے کے تحت ان علاقوں میں مکمل کئے گئے ترقیاتی کاموں کے حوالے سے باخبر کیا -
ایڈوائزر بصیر خان نے مختلف وفود کے مطالبات کو بھی سنا اور ان کے راہ حل کی یقین دہانی بھی کرائی-
اس موقع پر ایڈوائزر بصیر خان نے مختلف سرکاری و غیر سرکاری اداروں کی جانب سے لگائے گئے اسٹال کا بھی نظارہ کیا اور ان کے ساتھ تبادلہ خیال کیا - اس پروگرام کے دوران اسکولی طلباء نے ان کا والہانہ استقبال کیا اور اس کے علاوہ مارشل آرٹ سے وابستہ کئ طالب علموں نے ان کے سامنے اپنے فن کا مظاہرہ کیا
یہ بھی پڑھیں: رامبن میں ٹرانسپورٹروں کی منمانی سے مسافر پریشان
بصیر خان نے اس موقع پر خطاب کرتے ہوئے کہا کہ بیک ٹو ولیج پروگرام کا بنیادی مقصد زمینی سطح پر پنچائت راج کو مضبوط اور مستحکم کرنا ہے-
انہوں نے کہا کہ بیک ٹو ولیج کے تحت جموں وکشمیر کے اکثر و بیشتر پنچائتی حلقوں میں کروڑوں روپے کی مالیت کے ترقیاتی کام کئے گئے اور حکومت اس پر مزید کام کررہے ہیں تاکہ جموں و کشمیر کو ترقی کی طرف لیا جائے-
