شمالی کشمیر کے ضلع بانڈی پورہ میں نیشنل پلان آف ایکشن 2021 کے مطابق ڈسٹرکٹ لیگل سروسز اتھارٹی نے محکمہ تعلیم کے اشتراک سے عالمی یوم آبادی کے موقع پر ایک آگاہی پروگرام کا انعقاد کیا گیا۔
اس سلسلے میں ڈلسا کی جانب سے کئی سرکاری اسکولوں میں الگ الگ پروگرام کروائے گئے۔ مڈل اسکول اتھوٹو ، گورنمنٹ ہائر سیکنڈری اسکول سوناواری اور گورنمنٹ گرلز ہائر سیکنڈری اسکول داور گریز میں اس طرح کے آگاہی پروگرام منعقد کئے گئے جس میں لوگوں کی ایک خاصی تعداد کو جانکاری فراہم کی گئی۔
وہیں اس پروگرام کا افتتاح فریقہ نذیر سیکرٹری سب جج ڈسٹرکٹ لیگل سروسز اتھارٹی نے کیا۔ انہوں نے زیادہ آبادی کی وجہ سے پیدا ہونے والے مشکلات پر روشنی ڈالی جو کورونا وائرس جیسی نئی وبائی بیماریوں میں اضافے کا سبب بنا ہے۔
اس پروگرام میں مقررین نے طلبا کو ماحولیاتی نظام پر زیادہ آبادی کے منفی اثرات کے بارے میں آگاہ کیا۔ پروگرام میں پیرا لیگل رضاکاروں، طلباء ، اساتذہ، ڈی ایل ایس اے کے اسٹاف کے علاوہ عام لوگوں نے بھی شرکت کی۔
یہ بھی پڑھیں: بانڈی پورہ: سیاحت کو فروغ دینے کے لیے ایک اور کوشش
