گریز سیکٹر میں پاکستانی فائرنگ، فوجی جوان زخمی

جموں و کشمیر کے ضلع بانڈی پورہ کے گریز سیکٹر میں پاکستانی فوج کی جانب سے جنگ بندی کی خلاف ورزی کی گئی۔

اطلاعات کے مطابق گزشتہ شام گریز سیکٹر میں پاکستانی فوج نے جنگ بندی کی خلاف ورزی کرتے ہوئے فائرنگ کی جس کے نتیجے میں ایک فوجی جوان زخمی ہوا۔
زخمی کو فوری طور ہسپتال منتقل کیا گیا۔

واضح رہے کہ سال 2019 میں 3200 بار جنگ بندی کے خلاف ورزی ہوئی ہے، جو دو برسوں کی نسبت کافی زیادہ ہے۔ سنہ 2018 میں جنگ بندی کی خلاف ورزی کے 1610 واقعات پیش آئے تھے، جبکہ 2017 میں یہ تعداد ایک ہزار تھی۔

جموں و کشمیر کی خصوصی حیثیت کے خاتمے کے بعد تقریباً 1553 مرتبہ جنگ بندی کی خلاف ورزی ہوئی ہے۔