نوجوانوں کو نشے سے محفوظ رکھنے کے لیے کرکٹ ٹورنامنٹ کا افتتاح

نوجوان نسل کو اگر بری عادتوں اور غلط صحبتوں سے بچانا ہے تو ان میں کھیل کود کے تئیں ایسا جذبہ پیدا کرنا ہے کہ وہ اس میں مصروف ہوکر نہ صرف بری عادتوں کو ترک کرسکیں بلکہ اپنی صحت کو لیکر بھی سنجیدہ ہوں۔

شمالی کشمیر کے ضلع بانڈی پورہ کے ایک معروف کرکٹر سید رسول شاہ نے بانڈی پورہ کے ایک دور افتادہ علاقے تُلر زو میں ایک کرکٹ ٹورنامنٹ کا انعقاد کیا۔

تُلر زو میں اس کرکٹ ٹورنامنٹ کا افتتاح علاقے کے ایک معروف سماجی کارکن سید اسد اللہ شاہ کے ہاتھوں کیا گیا۔

ٹورنامنٹ کا خاص مقصد ہے کہ نوجوان نسل کو اگر بری عادتوں سے بچانا ہے تو انہیں کھیل کود میں مصروف رکھیں۔

قابل ذکر ہے کہ مذکورہ ٹورنامنٹ میں وادی کشمیر سے تعلق رکھنے والی قریب 32 ٹیمیں حصہ لے رہی ہیں۔

تُلر زو پریمیر لیگ نامی اس ٹورنامنٹ کا افتتاحی میچ گرین گراؤنڈ تُلر زو میں بریو ہارٹس سمبل Brave Hearts Sumbal اور گلیڈیٹیرس گاندربل Gladiators Ganderbal کے مابین کھیلا گیا۔
اس موقع پر ٹورنامنٹ کے کوآرڈینیٹرز سید اسد اللہ اور سید اختر نے تمام کپتانوں اور کھلاڑیوں کا خیرمقدم کیا۔

اس ضمن میں ای ٹی وی سے بات کرتے ہوئے سید اسد اللہ نے کہا کہ یہ ٹورنامنٹ وادی کے نوجوانوں کو کرکٹ کے شعبے میں اپنی صلاحیتوں کو بروئے کار لانے کے لئے ایک پلیٹ فارم مہیا کرے گا۔

انہوں نے مزید کہا کہ اس طرح کے ٹورنامنٹ کے قیام کا مقصد ہے کہ نوجوان نسل کو کھیل کود کے تئیں راغب کیا جائے اور انہیں بری عادتوں سے دور رکھا جائے ہے تاکہ وہ نہ صرف اس سے اپنی صلاحیتوں کو سامنے لائیں گے بلکہ ذہنی و جسمانی طور پر بھی فٹ رہ سکیں گے۔

وہ پر امید ہیں کہ یہ ٹورنامنٹ نوجوانوں کے لئے سود مند ثابت ہوگا۔