شمالی کشمیر کے ضلع بانڈی پورہ کے حاجن سوناواری علاقے میں گزشتہ روز ہوئی شدید بارش کی وجہ سے اندرونی گلی کوچے پانی سے پُر ہیں جس کی وجہ سے پیدل چلنے والوں کو کافی دقتوں کا سامنا کرنا پڑ رہا ہے
مذکورہ علاقے میں سڑکوں کی حالت پہلے سے ہی ابتر ہیں تاہم بارشوں کی وجہ سے وہ مزید خراب ہوگئی ہیں اور جگہ جگہ پانی جمع ہونے کی وجہ سے مقامی لوگوں کا چلنا پھرنا دشوار ہوگیا ہے-
حاجن میں سڑکوں کی حالت خستہ، لوگ برہم مقامی لوگوں نے بتایا کہ حاجن علاقے میں اندرونی سڑکیں پہلے ہی خستہ حالی کی شکار ہیں تاہم گزشتہ روز ہوئی بارشوں کے سبب ان پہ چلنا مزید دشوار ہوگیا ہے-یہ بھی پڑھیں:
گریز۔ بانڈی پورہ سڑک پر دو روز بعد آمد و رفت بحالمقامی لوگوں کا کہنا ہے کہ انہوں نے پہلے بھی کئی دفعہ اعلیٰ حکام تک اس بات کو پہنچایا لیکن کسی نے بھی اس پر غور کرنے کی زحمت نہیں کی۔مقامی لوگوں نے مطالبہ کیا ہے کہ علاقے میں اندرونی سڑکوں کی تعمیر کے لئے جنتا جلد ہوسکے کام شروع کیا جانا چاہئے وگرنہ مستقبل قریب میں پھر سردیوں کے موسم میں انہیں از حد مشکلات کا سامنا کرنا ہڑے گا۔
