ڈی سی بانڈی پورہ چند روز قبل تعطیل پر روانہ ہوئے۔ ان کی غیر حاضری کا ناجائز فائدہ اٹھاتے ہوئے منی سیکریٹریٹ کے متعدد دفاتر پر تالے لگے ہیں یا بعض دفاتر بالکل خالی پڑے ہوئے ہیں۔
ای ٹی وی بھارت کے نمائندے نے منی سیکریٹریٹ کا دورہ کرکے کئی دفاتر کا معائنہ کیا۔ بعض دفاتر مقفل پڑے تھے یا بعض کمرے بالکل خالی پڑے تھے۔
دور دراز علاقوں سے منی سیکریٹریٹ آنے والے لوگوں کو دفاتر میں عملہ کی کمی کے باعث مایوس ہوکر واپس لوٹنا پڑا۔
تحصیل آلوسہ سے آئے ہوئے ایک باشندے نے ای ٹی وی بھارت کے ساتھ بات کرتے ہوئے کہا کہ وہ کئی ہفتوں سے منی سیکریٹریٹ کے چکر کاٹ رہے ہیں۔
انہوں نے کہا کہ ’’معمول کام کے لیے کئی بار دفاتر کے چکر کاٹنے پڑتے ہیں۔ ایک دفتر سے دوسرے دفتر، ایک افسر سے دوسرے افسر روانہ کیا جاتا ہے۔ تاہم آج ڈی سی کی غیر حاضری میں ملازمین یا تو ڈیوٹی سے غائب ہیں یا بالکل کم تعداد میں حاضر ہوئے ہیں۔‘‘
مزید پڑھیں: 'کاہچرائی کی بھی تاربندی ہوگی تو ہمارے مویشی کہاں چریں گے'
انہوں نے اس ضمن میں اعلیٰ حکام سے مداخلت کی اپیل کرتے ہوئے غیر حاضر ملازمین کے خلاف سخت کارروائی کرنے کا مطالبہ کیا۔
