سی آر پی ایف کی تھرڈ بٹالین کے زیر اہتمام شمالی کشمیر کے بانڈی پورہ ضلع میں فٹبال ٹورنامنٹ کا آغاز عمل میں لایا گیا۔ CRPF Organised Football Tournament in Bandiporaانڈر 17عمر کے بچوں کے لیے شیر کشمیر اسٹیڈیم بانڈی پورہ میں ’’ٹیلنٹ ہنٹ‘‘ کے نام سے ٹورنامنٹ کا آغاز کیا گیا جس میں ضلع بھر کے مختلف علاقوں سے تعلق رکھنے والی آٹھ فٹ بال ٹیمیں شرکت کر رہی ہیں۔
ٹورنامنٹ کی افتتاحی تقریب میں ایس ایس پی بانڈی پورہ محمد زاہد ملک، کمانڈنگ آفیسر تھرڈ بٹالین سی آر پی ایف راکیش شرما کے علاوہ فوج اور ضلع انتظامیہ کے افسران بھی موجود تھے۔ CRPF Organised Football Tournament in Bandiporaسویک ایکشن پروگرام کے تحت ضلع کے مختلف علاقوں سے تعلق رکھنے والی کُل آٹھ ٹیمیں اس ٹورنامنٹ میں شرکت کر رہی ہیں۔
فٹبال ٹورنامنٹ آرگنائز کرنے کے حوالے سے سی آر پی ایف کے افسران کا کہنا تھا کہ ’’اس سے نہ صرف نوجوانوں کو اپنا ٹیلنٹ ابھارنے کے لئے ایک بہترین پلیٹ فارم مہیا ہوگا بلکہ اس طرح کے ٹورنامنٹس سے سیکورٹی فورسز اور عوام کے درمیان تال میل اور ہم آہنگی میں بھی اضافہ ہوتا ہے۔‘‘ Bandipora Football Tournamentانہوں نے مستقبل میں اس طرح کے مزید ٹورنامنٹس کے انعقاد کا عندیہ دیا۔
