بالی ووڈ کے مشہور اداکار اکشے کمار نے جمعرات کے روز شمالی کشمیر کے ضلع بانڈی پورہ کی وادی گریز میں لائن آف کنٹرول سے متصل طلیل کا دورہ کیا۔ جہاں انہوں نے ایک اسکولی عمارت کی تعمیر کے لئے ایک کروڑ روپے عطیہ دینے کا اعلان کیا۔
اداکار آج دوپہر بارہ بجے ہیلی کاپٹر کے ذریعہ طلیل کے نیرو گاؤں پہنچے۔ جہاں انہوں نے فوجی جوانوں سے ملاقات کی اور ان کے ساتھ رقص بھی کیا۔
واضح رہے اکشے کمار کی فلم 'بیل باٹم' بہت جلد ریلیز ہونے والی ہے۔ ریلیز سے قبل انہوں نے کشمیر کے سرحدی علاقہ کا دورہ کیا۔
سپر اسٹار نے آج دوپہر نیرو گاؤں کا دورہ کرنے کے بعد اسکول کی عمارت کی تعمیر کے لئے 1 کروڑ کا عطیہ دیا۔ نیورو گاؤں گریز سیکٹر کی دور دراز طلیل وادی میں لائن آف کنٹرول کے قریب واقع ہے۔
واضح رہے کہ وادی گریز سردیوں میں پوری دنیا سے چھ ماہ کے لیے کٹ کر رہ جاتی ہے جس سے وہاں کے عوام اور فوج کو کافی مشکلات کا سامنا کرنا پڑتا ہے۔
