بانڈی پورہ: بی جے پی کی جانب سے عالمی یوم یوگ منایا گیا

طلبہ نے بتایا کہ وہ گذشتہ کچھ برسوں سے مسلسل یوگا کر رہے ہیں اور آج عالمی یوم یوگا کے روز انہوں نے دیگر طلبہ و نوجوانوں کے ساتھ مل کر یوگا کیا۔

جموں و کشمیر کے ضلع بانڈی پورہ میں بھارتیہ جنتا پارٹی کی جانب سے آج عالمی یوم یوگ منایا گیا۔ گورنمنٹ ہائر اسکینڈری اسکول نادی ہیل میں منعقد یوم یوگ میں بی جے پی ارکان کے ساتھ ساتھ نوجوانوں اور طلبہ نے بھی شرکت کی۔

اس دوران بی جے پی ارکان نے کہا 'ہم نے آج یہ پروگرام یو ٹی صدر رویندر رینا، جنرل سیکریٹری جے اینڈ کے اشوک کول اور صدر بی جے پی نارتھ کشمیر مدثر وانی کی ہدایت پر منعقد کیا ہے۔

وہیں طلبہ نے بتایا 'ہم گذشتہ کچھ برسوں سے یہاں یوگا کرنے آتے ہیں اور آج بھی یوگا انسٹرکٹر نے ہمیں یوگا کرایا ہے۔ یوگا کرنے سے انسان تندرست رہتا ہے اور اسلیے سبھی کو چاہیے کہ وہ ہر روز یوگا کریں'۔