شمالی کشمیر کے ضلع بانڈی پورہ کے عشمقام سوناواری علاقے میں حالیہ دنوں ہوئی بارشوں کے سبب پانی جمع ہونے کی وجہ سے مقامی عوام کو مشکلات کا سامنا کرنا پڑ رہا ہے-
مقامی لوگوں نے علاقے میں پانی کی نکاسیِ کے لئے مناسب ڈرینیج نہ ہونے کے خلاف احتجاجی مظاہرہ کیا -
مظاہرے میں شامل مرد و خواتین نے مطالبہ کیا 'عشمقام علاقے میں پانی کی نکاسی کے لئے اقدامات اٹھائے جائیں کیونکہ پورے علاقے میں جمع پانی کی وجہ سے لوگوں کو روز مرہ کے کاموں میں دشواریوں کا سامنا کرنا پڑتا ہے'۔
مقامی لوگوں نے بتایا 'انہیں روزانہ کی بنیاد پر مشکلات کا سامنا کرنا پڑتا ہے کیونکہ یہاں پر جمع پانی سے بیماریوں کے امکانات ہیں اور اس کے علاوہ لوگوں کو اس وجہ سے شدید مشکلات کا بھی سامنا کرنا پڑ رہا ہے-
یہ بھی پڑھیے
'غیر ملکی سیاحوں کی آمد میں 90 فیصد کمی'
انہوں نے مطالبہ کیا کہ ایک تو پانی کی نکاسی کو یقینی بنایا جائے اور اس کے علاوہ علاقے میں مناسب ڈرینیج سسٹم تیار کیا جائے تاکہ مستقبل میں بھی جب بارشیں ہوں تو پانی سڑکوں پر جمع نہ ہوں۔
