جموں و کشمیر کے سبھی اضلاع کی طرح شمالی کشمیر کے ضلع بانڈی پورہ میں بھی یوم جمہوریہ کے موقع پر تقریب و ریلی کا اہتمام کیا گیا جس میں فوج کے کئی اعلیٰ افسران کے علاوہ مقامی باشندوں اور اسکولی طلباء نے حصہ لیا۔
بانڈی پورہ: یوم جمہوریہ کے موقع پر ریلی کا اہتمام
اس موقع پر ’’فوج اور عوام کے درمیان مضبوط اور مثبت تعلقات‘‘ قائم رکھنے کی غرض سے فوج کی جانب سے ’مارچ فار یونٹی‘ کے نام سے ایک ریلی بھی نکالی گئی۔
تقریب کے دوران 13 راشٹریہ رائفلز 3 سیکٹر کے برگیڈیر مہیشور سنگھ نے پرچم کشائی کرتے ہوئے سلامی لی۔
تقریب میں اسکولی طلباء نے رنگا رنگ ثقافتی پروگرام بھی پیش کئے۔ تقریب کے اختتام پر مختلف شعبوں میں بہترین کام کرنے والے افراد کو مختلف اعزازات و توصیفی اسناد سے بھی نوازا گیا۔
