اس سلسلے میں ضلع ترقیاتی کمشنر بانڈی پورہ ڈاکٹر اویس احمد نے تفصیلات سے واقف کرواتے ہوئے کہا کہ مسلسل شکایات ملنے کے بعد ان اساتذہ کی تنخواہوں کو روکنے کا فیصلہ کیا گیا جو کئی دنوں سے غیرحاضر ہیں۔
بانڈی پورہ: 14 اساتذہ کی تنخواہ روک دینے کا حکم
انہوں نے بتایا کہ اس سلسلہ میں ایک خصوصی ٹیم تشکیل دی گئی جس نے بائز مڈل اسکول مرکوٹ، بائز مڈل اسکول مستان، گرلز مڈل اسکول وانپورہ اور بائز مڈل اسکول بڈون کا دورہ کرتے ہوئے 14 اساتذہ کی نشاندہی کی تھی جو کئی دنوں سے غیرحاضر تھے۔ اس کے بعد ان کی تنخواہ روکنے کا حکم دیا گیا۔
ڈاکٹر اویس احمد نے بتایا کہ اس معاملہ میں مزید جانچ کی جارہی ہے جس کے بعد قانونی طور پر کاروائی کی جائے گی۔ انہوں نے تمام سرکاری ملازمین کو خبردار کیا کہ ’جو بھی غیرضروری طور پر ڈیوٹی سے غیرحاضر رہے گا اس کے خلاف سخت کاروائی کی جائے گی‘۔
