ضلع بانڈی پورہ کے منی سیکریٹریٹ کے کانفرنس حال میں پیر نو منتخب ضلع ترقیاتی کونسل (ڈی ڈی سی) ممبران کی حلف برداری کی تقریب منعقد ہوئی۔
ضلع ترقیاتی کمشنر بانڈی پورہ ڈاکٹر اویس احمد نے ضلع کے تیرہ بلاکس سے منتخب ہونے والے ڈی ڈی سی ممبران کو حلف دلایا۔
تقریب کا آغاز قومی ترانے سے کیا گیا، ضلع کے ایڈیشنل ڈپٹی کمشنر نے اس موقع پر ممبران اور دیگر مہمانوں کا استقبال اور خیر مقدم کیا۔
مزید پڑھیں؛ ادھمپور: ڈی ڈی سی کے نئے اراکین کی حلف برداری
تقریب میں ضلع انتظامیہ کے کئی اعلیٰ افسران کے علاوہ سابق ایم ایل اے بانڈی پورہ نظام الدین بٹ، غلام رسول اور عثمان مجید وانی کے علاوہ بی جے پی کے ضلع صدر عبدالرحمن ٹیکری بھی موجود تھے۔ اس کے علاوہ ایس ایس پی بانڈی پورہ بھی تقریب میں شامل تھے۔
حلف برداری کی تقریب کے اختتام پر اسسٹنٹ کمشنر ریونیو نے سبھی پارٹیوں اور ممبران کا شکریہ ادا کرتے ہوئے کہا کہ انہیں کے تعاون سے صاف و شفاف انتخابات کا عمل ممکن ہوسکا ہے۔
