شمالی کشمیر کے ضلع بانڈی پورہ کے سنروانی علاقہ کی رہنے والی اوینہ نثار نے دسویں جماعت میں 99.6 فیصد نمبرات حاصل کیے ہیں۔ اس طرح وہ ٹاپ 10 ٹاپرز لسٹ میں شامل ہیں۔
میڈیکل اسسٹنٹ کی بیٹی سولہ سالہ اوینہ نثار نے جموں و کشمیر بورڈ آف اسکول ایجوکیشن کے تحت دسویں جماعت میں 500 میں سے 498 نمبرات حاصل کیے ہیں۔
اوینہ اسپیس ایج اسکول بانڈی پورہ میں تعلیم حاصل کررہی ہیں۔ انہوں نے 498 نمبرات حاصل کر کے ضلع میں پہلا مقام حاصل کیا ہے۔ اوینہ نے کہا کہ میں اپنے والدین، اساتذہ اور خاص طور پر میرے نانا جی غلام قادر کی شکر گزار ہوں جنہوں نے پڑھائی میں میری مدد کی۔
اوینہ نے کہا 'میرا خواب ہے کہ میں ایک اچھی ڈاکٹر بنوں اور عوام کی خدمت کروں۔' انہوں نے کہا کہ 'میرے والد نے ہمیشہ میرا ساتھ دیا ہے'۔
یہ بھی پڑھیے
عمران خان نے ایک بار پھر مسئلہ کشمیر پر بات کی
نوجوان نسل کو اپنے پیغام میں کہا کہ 'نوجوانوں کو مثبت ارادوں کے ساتھ اپنے خوابوں کا پیچھا کرنا چاہئے تاکہ وہ کامیابی کی بلندیوں کو چھو سکیں'۔
اوینہ کی کامیابی پر والدین کے ساتھ ساتھ سنروانی علاقہ کے لوگ بھی بہت خوش ہیں اور سبھی ان کے والدین کو بیٹی کی کامیابی پر مبارکباد پیش کر رہے ہیں۔
