ضلع بانڈی پورہ میں سوناواری کے نیسبل علاقے سے تعلق رکھنے والا دسویں جماعت کا طالب علم بجلی کرنٹ لگنے سے فوت ہو گیا۔
کمسن طالب علم کی حادثاتی موت کے بعد علاقہ میں کہرام مچ گیا۔
مقامی باشندوں کے مطابق یہ حادثہ اس وقت پیش آیا جب ایک کمسن طالب علم سبزی کے باغیچے کو سیراب کر رہا تھا کہ اچانک وہ موٹر میں لگی بجلی تار کے راست رابطے میں آیا۔
مقامی باشندوں کے مطابق کرنٹ لگنے کے فوراً بعد طالب علم کی موقع پر ہی موت واقع ہو گئی۔
ہلاک ہونے والے طالب علم کی شناخت نسبل، سوناواری سے تعلق رکھنے والے زاہد حمید تیلی ولد عبدالحمید تیلی کے طور پر ہوئی ہے۔
