شمالی کشمیر کے ضلع بانڈی پورہ کے سرحدی علاقہ کنزلون بگتور کے بلاک ڈیولپمنٹ کونسل کے چیئرمین مختار احمد BDC Chairman Mukhtar Ahmed نے بگتور میں واقع طبی مرکز این ٹی پی ایچ سی NTPHC کے حوالے سے کہا ہے کہ یہاں طبی سہولیات کا کافی فقدان ہے اور مریضوں کو مشکلات کا سامنا کرنا پڑ رہا ہے۔
این ٹی پی ایچ سی بگتور میں بنیادی سہولیات کا فقدان
بی ڈی سی چیئرمین مختار احمد نے کہا ہے کہ اگر چہ اس طبی مرکز میں مشینری مہیا ہے لیکن اس کے باوجود یہاں پہ وہ ٹیسٹ نہیں کئے جاتے ہیں جو کیے جا سکتے تھے۔
انہوں نے کہا ہے کہ اس وجہ سے مریضوں اور تیمارداروں کو سخت مشکلات کا سامنا کرنا پڑ تا ہے۔
مختار احمد نے ضلع انتظامیہ بانڈی پورہ سے اپیل کی ہے مذکورہ طبی سنٹر میں تمام بنیادی سہولیات کو یقینی بنایا جائے تاکہ یہاں علاج و معالجے کے لئے آنے والے تمام مریضوں کو آسانی فراہم ہوں۔
