بانڈی پورہ: پینے کے پانی کی قلت سے عوام پریشان

شمالی کشمیر کے ضلع بانڈی پورہ کے عشم سوناواری علاقے میں کئی ماہ سے لوگوں کو صاف پینے کے پانی کی قلت کا سامنا کرنا پڑرہا ہے -

علاقے میں پینے کا صاف پانی نہ ہونے کے سبب خواتین کو ایک کلومیٹر کا فاصلہ طے کرکے ندی نالوں سے پانی لانا پرتا ہے-

مقامی لوگوں کا کہنا ہے کہ انہیں پینے کے صاف پانی کے حوالے سے کافی دقتوں کا سامنا کرنا پڑتا ہے-

انہوں نے کہا کہ صاف پانی کے نہ ہونے کی وجہ سے انہیں مجبوراً گندہ پانی پینا پڑتا ہے یا تو دور ندی نالوں کا رخ کرنا پڑتا ہے -

انہوں نے مزید بتایا کہ انہوں نے کئی دفعہ متعلقہ حکام کو اس حوالے سے باخبر کیا تاہم ہمیشہ انہیں نظرانداز کیا گیا -

ان کا مطالبہ ہے کہ انہیں اس سلسلے میں کوئی مستقل پانی کی سہولت فراہم کی جائے تاکہ انہیں مستقبل میں مشکلات کا سامنا نہ کرنا پڑے -