بانڈی پورہ پولیس نے ایک خصوصی مہم کے تحت کووڈ 19 کی روک تھام کے لئے متعین کردہ گائیڈ لائنز کی خلاف ورزی کر رہے کئی افراد کے چالان کاٹ دیے۔
اس مہم میں کل ملا کر ایک سو پینتالیس افراد پر جرمانہ عائد کرتے ہوئے 20200 روپے وصول کیے گئے جبکہ چار گاڑیوں کو بھی اپنی تحویل میں لیا گیا۔
بانڈی پورہ پولیس
پولیس نے بتایا کہ لاک ڈاون کو اثر انداز بنانے کے لئے کسی کو بھی اس کی خلاف ورزی کرنے کی اجازت نہیں دی جائے گی۔ ان کا یہ بھی کہنا ہے کہ اس طرح کی مہم سے دیگر ایسے افراد بھی مطلع ہو جائیں گے جو ان حالات میں بلا ضرورت گھروں سے نکلتے ہیں۔ اس موقع پر پولیس نے عوام سے اپیل کرتے ہوئے کہا کہ اس وبائی بیماری کی روک تھام کے لئے عوام کا تعاون ہی سب سے اہم کردار ادا کر سکتا ہے۔ پولیس نے کسی بھی ایمرجنسی یا دیگر اہم ضروریات کے لیے اپنے نمبرات بھی مشتہر کیے۔
