’بانڈی پورہ میں مثبت کیسز کی تعداد کم ہو رہی ہے‘

شمالی کشمیر کے ضلع بانڈی پورہ میں کورونا وائرس کی مجموعی صورتحال اور ویکسینیشن کے عمل سے متعلق ڈی سی بانڈی پورہ نے پریس بریفنگ کے دوران کہا کہ ضلع میں مثبت کیسز میں کمی واقع ہو رہی ہے۔

ضلع ترقیاتی کمشنر بانڈی پورہ نے پریس بریفنگ کے دوران کہا کہ ضلع میں اس وقت فعال کیسز کی تعداد 538ہیں جن میں 50افراد مختلف اسپتالوں میں طبی نگہداشت میں ہیں۔

لاک ڈائون میں نرمی دئے جانے کے حوالے سے انہوں نے کہا کہ ’’لاک ڈاؤن میں نرمی دی گئی ہے تاہم عوام کو کووڈ کے ضابطہ اخلاق فراموش نہیں کرنے چاہئے۔‘‘

ویکسینیشن کے حوالے سے انہوں نے کہا کہ ’’ضلع کے ویین علاقے کی صد فیصد آبادی کو ویکسین دی گئی ہے جو ضلع کے لیے ایک فخر کی بات ہے۔‘‘

انہوں نے مزید کہا کہ ضلع میں دیگر 20سے زائد دیہات میں 45سال سے زیادہ برس کی عمر کے افراد کو کورونا مخالف ٹیکہ دیا جا چکا ہے وہیں اس ضمن میں صد فیصد ہدف کو بھی جلد ہی ممکن بنایا جائے گا۔